الاسم: Ahmed Imam 
يا بختك ياللى تمد إيدك
وتحط الحسنه في إيدي
دي العيشه صعبه
والفرقه مره
والقلب بيبكي يوم عيدي
يا بختــَك يا بيه
يا بختِــك يا ستي
لو مسحتي عن عيني دمعه
بقالها سنين بتكوي وريدي
وتلفوا وتشوفوا حال الشحاته
بقت زي الوظيفه الميري
الكل وسط الطابور مداري
بيمد إيديه ويقول يا بلادي
""
أنا مصريوبويا مصري
وسماري ولوني مصري
""لكن بالوساطه والرشوه خلوني هندي
ويمكن الهندي بقى أحسن مني
*****
أنا المصري
زي المعاد ده تلقاني
بسمع غناوي وحكاوي بتتقال في بلادي
واللي بتقول " مشربتش من نيلها"
""
""ولو بتحبوا البلد دي " "وشربنا وكان الطعم عادب
وحبينا بس القلب من حسرتو نايم
*****
أنا المصري
باعوني في كل مكان
برخيص من غير تمن
ولا حتى علبة سمنه أبات فيها
أو أهرب من غربة الجسد
وآه وآه يا بلد
وآه ع اللي مات في غربتو من غير سكن ولا ولد
لا لقى حد يسندوا
ولا قلب حبيب بحبوا ينملك
**
******
.أنا المصري .... بصمتي
من المحيط للخليج ... تنقري
في الكويت .. في اليمن
في العراق والجزائر وأم القرى
ليها تاريخ أبيض
ومقام بالورد بيدور
.لا رضيت في يوم أكون باشا
ولا البهويه حلمي
حلمي كان بين السحاب بيت
عليه الحمام من كل حته بيرفرف
فيه حبيبه تحضني
فيه عيالي يجرو وأحفادي
ودي كل احلامي .... ماتت
ومفضلش غير كابوس
أزرق فاسود
*********
.يا بختك لو جيت زرت بلادي
تسأل عني وعن أحبابي
في كل مكان إلا المعادي
ومصر الجديده بلد الريس
والهرم اللى الدولارات فيه بتنادي
.تلاقينا كلنا في قفه
سبعين مليون ، كلنا في قفه
سارحه في النيل
من غير ما واحد يقول لنا إيه السبب
وسبع تلاف سنه
واحنا في النيل
لا طولنا بر ولا طولنا سما
********
""
.هيردوت" قالها من كام سنه"يا بختك لو قرتها ومقلتش إيه كان جرى
لو كنا افتكرنا في يوم
عبدالناصر والسادات والشرقاوي وعمر المختار
وكسرنا بإيدينا حديد المعصره
وإيه كان هيجرى
ماهو كلو حديد بيدق بالمطرقه
والمخصي في لسانو هيعيش طول عمرو بين الامم مســخره
*******
.تعالو نقولها كلمه
يعني إيه هيجرى
وإيه كان جرى
يا بختك ياللى تمد إيدك
وتحط الحسنه في إيدي دي العيشه صعبه والفرقه مره والقلب بيبكي يوم عيدي إمضــــاء عن الشعب المصري أحمد إمام
كتبها Ahmed Imam في 07:42 مساءً ::
